ဆရာမင်းသိင်္ခရဲ့ ပျားဆွဲသောမုတ်ဆိတ် ဆိုတဲ့ ၀တ္ထုထဲမှာလို့ထင်ပါတယ်... အိုးဂိုဏ်းနဲ့ ကြိုးဂိုဏ်း ဆိုတာရှိတယ်တဲ့.. အဲ့ဒိလိုပြောကြကြေးဆိုရင်တော့ ချန်းချန်းက ကြိုး ဂိုဏ်းကပါ... ချန်းချန်းက က ရွှေပန်းတိမ်ကို ဆွဲကြိုး.. ဟန်းချိန်း.. ဖုချိန်း တွေလုပ်တာကို ပဲလေ့လာဆည်းပူးပြီး professional အဖြစ်အသက်မွေးဝမ်းကြောင်းပြုခဲ့လို့ပါ..
လက်နဲ့လုပ်လို့ရနိုင်တဲ့ကြိုးမှန်သမျှကို ချန်းချန်းကိုယ်တိုင် ရွှေတမှုန်မှမလျော့ဘဲဖန်တီးနိုင်ပြီလို့ ဆရာသမားက လက်ခံတဲ့နေ့မှာချန်းချန်းကိုပညာရှင်အဖြစ်သတ်မှတ်ပေးခဲ့ပါတယ်.. အဲ့ဒိ ပညာသင်ပေးခဲ့တဲ့ ဆရာရဲ့ ပန်းတိမ်ဖိုမှာ ချန်းချန်း ၁ နှစ်ကျော်လက်ခစားအဖြစ်လုပ်ကိုင်ခဲ့ပါတယ်... အဲ့ဒိတုန်းက ချန်းချန်းအသက် ၁၈ နှစ်ဝန်းကျင်ရှိပါပြီ... အဲ့ဒိနှစ်တွေအတွင်းမှာ ကြိုးပေါင်းစုံအောင်လုပ်ခဲ့ဖူးပါတယ်... တခါမှမမြင်ဖူးပေမယ့် ကတ်တလောက်ထဲက ပဲဝါးတားတားလေးကို ကြည့်ပြီး လုပ်ခဲ့ရတာမျိုးအထိပါပဲ... ပုံမှန်ကတော့ သံကြိုး(သင်္ဘောသားကြိုး)၊ MC ၁ ထပ်၊ MC 2 ထပ်၊ MC 3 ထပ်,ပူးကြိုး အမျိုးမျိုး၊ ၂ တန်းပူး၊ ၃ တန်းပူး၊ ၄ တန်းပူး၊ ထဆင့်ထူးပူး ၊ဒေါင်ပူး...(ပူးချင်သလို ပူး... ချန်းချန်းတို့ ပိုင်တာပေါ့ ) madona, hammer, ငါးအရိုးကြိုး ၊ အုန်းဆံကြိုး၊ ဘတ်ကြိုး၊ ဖတ်ထုတ်ကြိုး ၊ မာစတာကြိုး၊ အိုစီကြိုး၊ အိုအက်စ် ကြိုး ၊ s ကြိုး.....စတာတွေပါ...
ချန်းချန်းပညာသင်ဘ၀တုန်းက ငွေကိုသုံးပြီး ရုပ်စုံဟန်းချိန်း ကို ဖန်တီးပြနိုင်ခဲ့ပေမယ့် လက်ခစားဘ၀မှာ ရုပ်စုံဟန်းချိန်းကို လုပ်ခွင့်မပေါ်ခဲ့ပါဘူး.. (ငှက်လှောင်အိမ် ၊ စာအုပ်၊ ရေနွေးကရား၊ ပေသီး၊ စာအုပ်၊ ဘုံကျောင်း၊ စောင်း၊ ရွက်လှေ၊ အိုးစည် ၊ ခြူ၊ ... စတဲ့အရုပ်တွေကို ကောင်းကောင်းလုပ်နိုင်ခဲ့ပါတယ်.....) ဒါကြောင့်ချန်းချန်း ကိုယ့်ကိုယ်ကို ကြိုးသမားလို့ ကင်ပွန်းတပ်လိုက်တာပါ... (ကြိုးမိန့်ကျတာနဲ့တော့ မမှားပါနဲ့ခင်ဗျာ...အူယားလို့ပါ :D)
ခင်မင်လေးစားလျက်
Subscribe to:
Post Comments (Atom)
0 comments: